Настройки шрифта
По умолчаниюArialTimes New Roman
Межбуквенное расстояние
По умолчаниюБольшоеОгромное
    Інтэрнэт-банкінг
    Час працы Кантакт-цэнтра банка
    • Пн
    • Аў
    • Ср
    • Чц
    • Пт
    • Сб
    • Нд
                                           8:00 - 20:00
    Дадатковыя нумары:

    Апісанне палітыкі па выключэнні канфлікту інтарэсаў і ўмоў яго ўзнікнення ў банкаўскім холдынгу ААТ "Белаграпрамбанк"

    У мэтах рэалізацыі сістэмнага падыходу да кіравання канфліктам інтарэсаў у ААТ "Белаграпрамбанк" (далей - банк) і арганізацыях, якія ўваходзяць у склад банкаўскага холдынгу, галаўной арганізацыяй якога з'яўляецца банк, удасканалення карпаратыўнага кіравання і забеспячэння фінансавай надзейнасці і здольнасці да доўгатэрміновага існавання банкаўскага холдынгу распрацавана Палітыка кіравання канфліктам інтарэсаў (далей - Палітыка).

    Пад канфліктам інтарэсаў разумеецца супярэчнасць паміж маёмаснымі, іншымі інтарэсамі банка і яго акцыянераў (іншых бенефіцыярных уласнікаў), органаў кіравання і іх членаў, арганізацый, якія ўваходзяць у склад банкаўскага холдынгу, галаўной арганізацыяй якога з'яўляецца банк, структурных падраздзяленняў, работнікаў, кліентаў, якое можа пацягнуць за сабой неспрыяльныя вынікі для банка і кліентаў.

    Адна з асноўных задач карпаратыўнага кіравання накіравана на арганізацыю кіравання канфліктам інтарэсаў, уключаючы комплекс мер па прадухіленні, выяўленні і ацэнцы, урэгуляванні, выключэнні канфлікту інтарэсаў, а таксама ўмоў яго ўзнікнення ў працэсах ажыццяўлення ўнутранага кантролю і кіравання рызыкамі.

     

    Мэты кіравання канфліктам інтарэсаў:

    • удасканаленне і забеспячэнне празрыстасці карпаратыўнага кіравання;
    • супрацьдзеянне карупцыйным праявам;
    • поўнае і своечасовае выяўленне існуючых і патэнцыйных сфер і (або) умоў узнікнення канфлікту інтарэсаў.

    Банк і арганізацыі-ўдзельнікі банкаўскага холдынгу забяспечваюць справядлівыя адносіны да сваіх кліентаў і контрагентаў пры аказанні паслуг або ажыццяўленні здзелак, прымаюць усе неабходныя меры для прадухілення канфлікту інтарэсаў, выяўлення абставін, якія выклікаюць або здольны выклікаць канфлікт інтарэсаў, а таксама яго ўрэгулявання.

     

    Для вырашэння канфлікту інтарэсаў банк і арганізацыі-ўдзельнікі банкаўскага холдынгу выкарыстоўваюць наступныя меры:

    • стварэнне арганізацыйнай структуры на прынцыпах размежавання сфер адказнасці, лімітаў і паўнамоцтваў;
    • захаванне канфідэнцыйнасці інфармацыі, якая змяшчае камерцыйную, банкаўскую, іншую ахоўваную законам таямніцу, а таксама персанальныя дадзеныя;
    • стварэнне эфектыўнай сістэмы ўнутранага кантролю і сістэмы кіравання рызыкамі;
    • абмежаванне ўмяшання;
    • выключэнне магчымасці ўдзелу работнікаў у ажыццяўленні супрацьпраўнай дзейнасці, у тым ліку ў легалізацыі даходаў, атрыманых злачынным шляхам, фінансаванні тэрарыстычнай дзейнасці і фінансаванні распаўсюджвання зброі масавага паражэння;
    • своечасовае рэагаванне на выпадкі негатыўнай або недакладнай інфармацыі ў сродках масавай інфармацыі і іншых крыніцах, ажыццяўленне расследаванняў;
    • неадкладнае давядзенне інфармацыі аб утварэнні ўмоў узнікнення канфлікту інтарэсаў, наяўнасці канфлікту інтарэсаў;
    • папярэдняе вызначэнне калегіяльным органам, службовай асобай банка рэкамендаванай пазіцыі прадстаўніка банка ў органах кіравання арганізацыі-ўдзельніка банкаўскага холдынгу пры галасаванні па пытаннях, якія разглядаюцца.

    Меры, накіраваныя на выяўленне і выключэнне канфлікту інтарэсаў, не з'яўляюцца вычарпальнымі. У канкрэтным выпадку для ўрэгулявання канфлікту інтарэсаў можна прымяняць і іншыя меры.

    Для ажыццяўлення кантролю за паўнатой мер па ўрэгуляванні выяўленага канфлікту інтарэсаў, умоў яго ўзнікнення аўдытарскі камітэт пры наглядальнай радзе банка атрымлівае інфармацыю аб рэалізацыі Палітыкі.

     

    Мы выкарыстоўваем Cookie

    Для збору інфармацыі з мэтай паляпшэння працы сайта выкарыстоўваюцца файлы cookie. Вы можаце прыняць або адмовіцца ад выкарыстання кукі-файлаў або наладзіць іх. Націснуўшы «Прыняць усё», Вы даяце згоду на апрацоўку файлаў cookie у адпаведнасці з Палітыкай у адносінах да апрацоўкі файлаў cookie у ААТ «Белаграпрамбанк».

    Наладзіць