Настройки шрифта
По умолчаниюArialTimes New Roman
Межбуквенное расстояние
По умолчаниюБольшоеОгромное
    Інтэрнэт-банкінг
    Час працы Кантакт-цэнтра банка
    • Пн
    • Аў
    • Ср
    • Чц
    • Пт
    • Сб
    • Нд
                                           8:00 - 20:00
    Дадатковыя нумары:

    Зборнік плат

    Глава V. АБСЛУГОЎВАННЕ КЛІЕНТАЎ НА ЎМОВАХ ПАКЕТАЎ БАНКАЎСКІХ ПАСЛУГ

     25. Пакет паслуг для прафсаюзных арганізацый «ПРАФСАЮЗ»

    № п/п

    Склад аперацый

    Памер платы для спагнання/
    Умовы прадастаўлення аперацый

    Тэрмін выплаты ўзнагароджання (платы)

     

    Абаненцкая плата за карыстанне пакетам паслуг за месяц

    8,50 бел. руб.

    У месяцы падключэння кліента да пакета паслуг — у дзень падключэння яго да пакета паслуг, але не пазней за апошні аперацыйны дзень бягучага месяца
    У наступныя месяцы — да 10 чысла бягучага месяца, але не пазней за апошні аперацыйны дзень бягучага месяца

    1.

    Адкрыццё рахункаў, ажыццяўленне разлікаў, суправаджэнне разліковых аперацый

     

     

    1.1.

    Адкрыццё бягучых (разліковых) банкаўскіх рахункаў у беларускіх рублях

    Уключана ў пакет

     

    1.2.

    Сведчанне сапраўднасці подпісаў асоб, якія маюць права подпісу дакументаў для правядзення разлікаў, і адбітка пячаткі суб'ектаў гаспадарання на картцы з іх узорамі

    Уключана ў пакет

     

    1.3.

    Банкаўскі перавод на падставе плацежнай інструкцыі, перададзенай у электронным выглядзе (у тым ліку з выкарыстаннем АІС ВГА**):

     

     

    1.3.1.

    • уключана ў пакет паслуг

    5 у месяц

     

    1.3.2.

    • звыш пакета паслуг

    1,75 бел. руб
    (за 1 перавод)

    У дзень здзяйснення аперацыі, але не пазней за апошні аперацыйны дзень бягучага месяца

    1.4.

    Прыём наяўных беларускіх рублёў ад кліентаў ААТ «Белаграпрамбанк» для залічэння (пералічэння) на іх бягучыя (разліковыя) і іншыя рахункі, адкрытыя ў ААТ «Белаграпрамбанк»:

     

     

    1.4.1.

    • праз касу ААТ «Белаграпрамбанк»

    0,1% ад сумы

    У дзень здзяйснення аперацыі, але не пазней за апошні аперацыйны дзень бягучага месяца

    1.4.2.

    • з дапамогай прылад самаабслугоўвання ААТ «Белаграпрамбанк», абсталяваных модулем прыёму наяўных грашовых сродкаў (плацежна-даведачны тэрмінал самаабслугоўвання, банкамат)

    Уключана ў пакет

     

    1.4.3.

    • праз аўтаматычную дэпазітную машыну

    0,1% ад сумы

    У дзень здзяйснення аперацыі, але не пазней за апошні аперацыйны дзень бягучага месяца

    2.

    Дыстанцыйнае банкаўскае абслугоўванне

     

     

    2.1.

    Рэгістрацыя, устаноўка і падключэнне да падсістэмы «Інтэрнэт-Кліент» сістэмы дыстанцыйнага банкаўскага абслугоўвання:

     

     

    2.1.1.

    • з прадастаўленнем кліенту машыннага носьбіта для запісу і захоўвання асабістых ключоў ЭЛП і шыфравання

    Уключана ў пакет

     

    2.1.2.

     • з выкарыстаннем машыннага носьбіта для запісу і захоўвання асабістых ключоў ЭЛП і шыфравання, прадастаўленага кліентам

    Уключана ў пакет

     

    2.2.

    Абаненцкая плата за карыстанне падсістэмай «Інтэрнэт-Кліент» сістэмы дыстанцыйнага банкаўскага абслугоўвання

    Уключана ў пакет

     

    3.

    Дадатковыя аперацыі

     

     

    3.1.

    Дыстанцыйнае інфармаванне аб праведзеных аперацыях, прынятых рашэннях, новых падзеях у рамках дагавору банкаўскага рахунку (Viber/SMS/e-mail) 

    Уключана ў пакет

     

    3.2.

    Аперацыі з карпаратыўнымі банкаўскімі плацежнымі карткамі

     

     

    3.2.1.

    Сэрвіснае абслугоўванне карпаратыўных банкаўскіх плацежных картак (у тым ліку выпуск, перавыпуск), эмітаваных ААТ «Белаграпрамбанк» (за выключэннем тэрміновага афармлення)

    У пакет уключаныя
     2 карткі плацежнай сістэмы БЕЛКАРТ (аднаразова)

     

     * ААТ «Белаграпрамбанк»:
                - ажыццяўляе імгненныя плацяжы, перададзеныя кліентам з выкарыстаннем толькі падсістэмы «Інтэрнэт-Кліент»
                  сістэмы дыстанцыйнага банкаўскага абслугоўвання;
                - не ажыццяўляе імгненныя плацяжы:
                   з бягучых (разліковых) банкаўскіх рахункаў кліента, да якіх выпушчана банкаўская плацежная картка;
                   з рахункаў арганізацыі, якая знаходзіцца ў стадыі ліквідацыі (спынення дзейнасці), банкруцтва;
                   па пераводзе з продажам замежнай валюты (пералічэнне эквіваленту беларускіх рублёў);
                   у рамках пастаянна дзейнага плацежнага даручэння.

    ** АІС ВГА — аўтаматызаваная інфармацыйная сістэма выканання грашовых абавязацельстваў. 

    ПРАВІЛЫ ПРАДАСТАЎЛЕННЯ І ВЫКАРЫСТАННЯ ПАКЕТА ПАСЛУГ «ПРАФСАЮЗ»

           1. Правілы прадастаўлення і выкарыстання пакета паслуг ААТ «Белаграпрамбанк» для прафсаюзных арганізацый рэгулююць парадак прадастаўлення і выкарыстання прафсаюзнымі арганізацыямі (далей — кліенты) пакета паслуг «Прафсаюз» (далей — пакет паслуг).

          2. Пакет паслуг — комплекс банкаўскіх паслуг, накіраваных на задавальненне патрэб кліентаў, якія прадастаўляюцца ў адпаведнасці з дагаворам бягучага (разліковага) банкаўскага рахунку на падставе заявы на падключэнне да пакета паслуг (адвольнай формы), у тым ліку прадастаўленай з выкарыстаннем СДБА (сістэмы дыстанцыйнага банкаўскага абслугоўвання), ці на падставе заявы на адкрыццё банкаўскага рахунку (у тым ліку заявы на комплекснае банкаўскае абслугоўванне) (далей — заява).

           3. Пакет паслуг з'яўляецца неад'емнай часткай Зборніка платы (узнагароджанняў) за аперацыі, якія ажыццяўляе ААТ «Белаграпрамбанк» (далей — Зборнік платы) і вызначае асобны парадак спагнання платы (узнагароджанняў) пры аказанні паслуг кліентам.

           4. Па заяве кліента да аднаго пакета паслуг падключаюцца ўсе рахункі кліента ў беларускіх рублях, адкрытыя ў падраздзяленнях ААТ «Белаграпрамбанк» (Цэнтральны кліент-офіс, рэгіянальныя дырэкцыі, цэнтры банкаўскіх паслуг), за выключэннем рахункаў па акумуляванні бюджэтных сродкаў, а таксама дабрачынных рахункаў.
           За абслугоўванне па пакеце паслуг кліентам выплачваецца абаненцкая плата незалежна ад колькасці рахункаў кліента ў беларускіх рублях, якія абслугоўваюцца па дадзеным пакеце паслуг. Склад пакета паслуг не змяняецца пры падключэнні да пакета паслуг дадатковых рахункаў у беларускіх рублях (колькасць аперацый, якія ўваходзяць у склад пакета, не павялічваецца).
           ААТ «Белаграпрамбанк» не ажыццяўляе падключэння да пакета паслуг, калі ў кліента на момант падключэння да пакета паслуг маецца запазычанасць (пратэрмінаваная запазычанасць) перад ААТ «Белаграпрамбанк» у частцы выплаты платы (узнагароджання) па разлікова-касавым абслугоўванні ў падраздзяленні ААТ «Белаграпрамбанк».

         5. Абавязковай умовай для падключэння да пакета паслуг з'яўляецца заключэнне кліентам дагавору аб выкарыстанні падсістэмы «Інтэрнэт — Кліент» сістэмы дыстанцыйнага банкаўскага абслугоўвання.
            У пакет паслуг уключана выкарыстанне кліентам падсістэмы «Інтэрнэт — Кліент» сістэмы дыстанцыйнага банкаўскага абслугоўвання.
            Кліенты з моманту падключэння да пакета паслуг маюць доступ да ФМ «Маркетплейс» у падсістэме «Інтэрнэт — Кліент» сістэмы дыстанцыйнага банкаўскага абслугоўвання.         

           5.1.    ААТ «Белаграпрамбанк» аказвае паслугу кліенту па прыёме наяўных беларускіх рублёў ад кліентаў ААТ «Белаграпрамбанк» для залічэння (пералічэння) іх на бягучыя (разліковыя) банкаўскія і іншыя рахункі, адкрытыя ў ААТ «Белаграпрамбанк», з дапамогай прылад самаабслугоўвання ААТ «Белаграпрамбанк», абсталяваных модулем прыёму наяўных грашовых сродкаў (плацежна-даведачныя тэрміналы самаабслугоўвання, банкаматы) праз аўтаматычныя дэпазітныя машыны на падставе прынятай ААТ «Белаграпрамбанк» ад кліента заяўкі (заявы) у адпаведнасці з лакальным прававым актам ААТ «Белаграпрамбанк».
            ААТ «Белаграпрамбанк» не ажыццяўляе падключэнне да паслугі па прыёме наяўных беларускіх рублёў ад кліентаў
    ААТ «Белаграпрамбанк» для залічэння (пералічэння) на іх бягучыя (разліковыя) банкаўскія і іншыя рахункі, адкрытыя ў ААТ «Белаграпрамбанк», праз аўтаматычную дэпазітную машыну, калі ў кліента на момант падключэння да дадзенай паслугі маецца запазычанасць перад ААТ «Белаграпрамбанк» па абаненцкай плаце за карыстанне пакетам паслуг.

           5.2.  У пакеты паслуг уключаныя дадатковыя аперацыі.
           Кліент мае права ажыццяўляць дадатковыя аперацыі па пакеце паслуг пры ўмове заключэння з ААТ «Белаграпрамбанк» адпаведных дагавораў (дадатковых пагадненняў) у перыяд дзеяння пакета паслуг.            

            6. Абслугоўванне кліента па пакеце паслуг ажыццяўляецца ў падраздзяленні ААТ «Белаграпрамбанк», з якім кліент заключыў дагавор бягучага (разліковага) банкаўскага рахунку ў беларускіх рублях.
           Кліент:
           - абслугоўваецца па адным пакеце паслуг унутры падраздзяленняў ААТ «Белаграпрамбанк». Абаненцкая плата за карыстанне пакетам паслуг спаганяецца ў падраздзяленні ААТ «Белаграпрамбанк», з якім кліент заключыў дагавор аб выкарыстанні падсістэмы «Інтэрнэт — Кліент» сістэмы дыстанцыйнага банкаўскага абслугоўвання, калі іншае не прадугледжана дагаворам бягучага (разліковага) банкаўскага рахунку ў беларускіх рублях;
           - ажыццяўляе ўнутры падраздзяленняў ААТ «Белаграпрамбанк» аперацыі па прыёме наяўных беларускіх рублёў (якая ўваходзіць у склад пакета паслуг) для залічэння (пералічэння) іх на бягучыя (разліковыя) банкаўскія і іншыя рахункі ў беларускіх рублях, адкрытыя ў ААТ «Белаграпрамбанк».
           Пры абслугоўванні ў падраздзяленнях ААТ «Белаграпрамбанк» структурных падраздзяленняў кліента (якія маюць уласны УНП), кліент падключае рахункі ў беларускіх рублях структурнага падраздзялення да асобнага пакета паслуг (пры наяўнасці ў іх падсістэмы «Інтэрнэт — Кліент» СДБА).

           7. Датай падключэння да пакета паслуг з'яўляецца:
           - для зноў прынятых на абслугоўванне кліентаў — дата адкрыцця бягучага (разліковага) банкаўскага рахунку ў беларускіх рублях;
           - для кліентаў, якія знаходзяцца на абслугоўванні ў ААТ «Белаграпрамбанк», — першае чысло месяца, які ідзе за днём падачы кліентам заявы.

            8. Абаненцкая плата за карыстанне пакетам паслуг у бягучым месяцы спаганяецца незалежна ад наяўнасці аперацый залічэння і (ці) спісання грашовых сродкаў у бягучым месяцы.
            У выпадку невыканання кліентам абавязацельстваў па аплаце абаненцкай платы па пакеце паслуг па сканчэнні месяца з моманту яе ўтварэння ААТ «Белаграпрамбанк» мае права прыпыніць абслугоўванне кліента па пакеце паслуг і ажыццявіць яго перавод на абслугоўванне згодна са Зборнікам платы (акрамя аперацый, пазначаных у п.п. 1.4.2, 3.2) з адначасовым прыпыненнем абслугоўвання з выкарыстаннем СДБА.
            Абслугоўванне па пакеце паслуг (са спагнаннем абаненцкай платы за адпаведны пакет паслуг) узнаўляецца пры ўмове поўнай выплаты кліентам пратэрмінаванай запазычанасці па плаце (узнагароджанні) за разлікова-касавае абслугоўванне ў беларускіх рублях і (ці) у замежнай валюце ў Банку (у тым ліку абаненцкай платы па пакеце паслуг):
    пры пагашэнні запазычанасці ў першы аперацыйны дзень бягучага месяца — з 1-га чысла бягучага месяца;
    пры пагашэнні запазычанасці ў перыяд з другога па апошні аперацыйны дзень бягучага месяца — з 1-га чысла наступнага месяца.

            9. Абаненцкая плата за карыстанне пакетам паслуг спаганяецца ў поўным аб'ёме за бягучы месяц, незалежна ад даты падключэння да пакета паслуг і фактычна выкарыстаных кліентам колькасці і складу аперацый, прадугледжаных пакетам паслуг.
            Колькасць банкаўскіх аперацый, якія ўваходзяць у склад пакета паслуг, ажыццяўляецца на працягу бягучага месяца, за выключэннем выпадкаў, прадугледжаных пакетам паслуг.

           10. У пакет паслуг, звыш пазначанай колькасці банкаўскіх пераводаў у беларускіх рублях, уключаныя:
           - плацяжы ў бюджэт і прыраўнаваныя да іх плацяжы (на асабовыя рахункі, адкрытыя на 36 групе, за выключэннем плацяжоў на асабовыя рахункі, адкрытыя на балансавым рахунку 3632, 3633, 3636);
           - плацяжы ўнутры адной юрыдычнай асобы (у тым ліку сярод яго структурных падраздзяленняў, якія маюць адзіны УНП), індывідуальнага прадпрымальніка на рахункі, адкрытыя ў ААТ «Белаграпрамбанк»;
           - плацяжы на рахункі ААТ «Белаграпрамбанк» (акрамя рахункаў кліентаў), адкрытыя ў ААТ «Белаграпрамбанк»;
           - пераводы заработнай платы і прыраўнаваныя да яе плацяжы і іншыя грашовыя пераводы на рахункі фізічных асоб, адкрытыя ў ААТ «Белаграпрамбанк»;
           - пераводы сродкаў па вяртанні сумы ўкладу (дэпазіту) на бягучы (разліковы) рахунак кліента, адкрыты ў іншым банку.   

           11. Плата (узнагароджанне) за здзяйсненне аперацый звыш колькасці, уключанай у пакет паслуг, выплачваецца ў памерах і ў тэрміны, устаноўленыя дзейным Зборнікам платы, калі іншае не прадугледжана пакетам паслуг.   

           12. Пры здзяйсненні аперацый, не ўключаных у пакеты паслуг, плата (узнагароджанне) выплачваецца ў адпаведнасці з дзейным Зборнікам платы.

           13. ААТ «Белаграпрамбанк» мае права ў аднабаковым парадку (калі іншае не прадугледжана пагадненнем паміж ААТ «Белаграпрамбанк» і кліентам), пасля папярэдняга апавяшчэння кліента ў тэрмін, пазначаны ў дагаворы бягучага (разліковага) банкаўскага рахунку, уносіць змяненні ў дзейныя пакеты паслуг (найменне пакета паслуг, умовы абслугоўвання, тэрміны дзеяння, памеры ўзнагароджанняў, змяняць пералік аперацый, уключаных у пакеты паслуг).

           14. На падставе заявы (адвольнай формы), у тым ліку прадастаўленай з выкарыстаннем СДБА, кліент мае права перайсці на абслугоўванне па іншым пакеце паслуг для карпаратыўных кліентаў.  Плата (узнагароджанне) за падключэнне да іншага пакета паслуг не спаганяецца.
           Перавод кліента на абслугоўванне з аднаго пакета паслуг на іншы ажыццяўляецца з першага чысла месяца, наступнага за датай падачы кліентам заявы ў Банк (у тым ліку з выкарыстаннем СДБА).

           15. Кліент мае права часова прыпыніць абслугоўванне па пакеце паслуг у сувязі з прыпыненнем аперацый у СДБА, пісьмова апавясціўшы Банк аб гэтым шляхам прадастаўлення заявы (адвольнай формы), у тым ліку прадастаўленай з выкарыстаннем СДБА, з пазначэннем перыяду часовага прыпынення, які складае поўны каляндарны месяц (месяцы) і не мусіць перавышаць тэрмін, на які прыпыняюцца аперацыі ў СДБА.
           Прыпыненне абслугоўвання па пакеце паслуг ажыццяўляецца не раней за першае чысло месяца, наступнага за месяцам прадастаўлення заявы.
           Узнаўленне абслугоўвання па пакеце паслуг ажыццяўляецца — з першага чысла месяца, наступнага за месяцам (месяцамі), у якім (якіх) абслугоўванне па пакеце паслуг было прыпынена.
           У перыяд прыпынення абслугоўвання па пакеце паслуг плата (узнагароджанне) за здзяйсненне банкаўскіх аперацый выплачваецца ў памерах, устаноўленых дзейным Зборнікам платы. Парадак спагнання платы (узнагароджання) ажыццяўляецца ў адпаведнасці з дагаворам бягучага (разліковага) банкаўскага рахунку ў беларускіх рублях.     

             16. ААТ «Белаграпрамбанк» адключае кліента ад абслугоўвання па пакеце паслуг пры надыходзе наступных абставін:
                - скасаванне дагавору аб выкарыстанні падсістэмы «Інтэрнэт — Кліент» з ініцыятывы кліента альбо па ініцыятыве ААТ «Белаграпрамбанк» у сувязі з парушэннем кліентам умоў дагавору, а таксама ў выпадку, калі дагавор аб выкарыстанні падсістэмы  «Інтэрнэт — Кліент» страціў сілу.     
           ААТ «Белаграпрамбанк» адключае кліента ад абслугоўвання па пакеце паслуг пры прадастаўленні кліентам па месцы абслугоўвання заявы (адвольнай формы), у тым ліку прадастаўленай з выкарыстаннем СДБА, на адмову ад абслугоўвання па пакеце паслуг у перыяд дзеяння пакета паслуг.
             Банк адключае кліента ў аднабаковым парадку пры закрыцці ўсіх банкаўскіх рахункаў кліента (па ініцыятыве кліента альбо Банка).

           17. Пры адключэнні кліента ад абслугоўвання па пакеце паслуг у адпаведнасці з пунктам 16 плата (узнагароджанне) за здзяйсненне банкаўскіх аперацый выплачваецца ў памерах, устаноўленых дзейным Зборнікам платы. Парадак спагнання платы (узнагароджання) ажыццяўляецца ў адпаведнасці з дагаворам бягучага (разліковага) банкаўскага рахунку.        

    Мы выкарыстоўваем Cookie

    Для збору інфармацыі з мэтай паляпшэння працы сайта выкарыстоўваюцца файлы cookie. Вы можаце прыняць або адмовіцца ад выкарыстання кукі-файлаў або наладзіць іх. Націснуўшы «Прыняць усё», Вы даяце згоду на апрацоўку файлаў cookie у адпаведнасці з Рэгламентам у дачыненнi да апрацоўкі файлаў cookie у ААТ «Белаграпрамбанк».

    Наладзіць