Віншуем НАК Беларусі з 30-годдзем!

ААТ "Белаграпрамбанк" віншуе Нацыянальны алімпійскі камітэт Рэспублікі Беларусь з цудоўным юбілеем - з 30-годдзем з дня ўтварэння!

Ужо шмат гадоў НАК Беларусі з'яўляецца надзейным партнёрам і прыязнай арганізацыяй для Белаграпрамбанка. Сёння дзякуючы НАК Беларусі працягваецца руплівая праца па развіцці спорту вышэйшых дасягненняў, алімпійскага руху, умацоўваецца справа фізічнага выхавання дзяцей і моладзі нашай краіны, працягваюцца слаўныя традыцыі, якія заклалі мацнейшыя айчынныя атлеты, што ўславілі Беларусь на сусветнай арэне спорту.

За гады сумеснай працы Белаграпрамбанк і Нацыянальны алімпійскі камітэт ажыццявілі вялізную колькасць спартыўных і сацыяльных праектаў, якія займелі шырокі грамадскі рэзананс і прынеслі многім людзям станоўчыя эмоцыі і карысць. Была рэалізавана маса цікавых сумесных мерапрыемстваў: міжнародныя алімпійскія дні, провады і сустрэчы беларускіх спартсменаў на спаборніцтвы сусветнага ўзроўню. Банк на працягу многіх гадоў аказвае спонсарскую дапамогу Нацыянальнаму алімпійскаму камітэту і з гонарам нясе ганаровае званне Генеральнага спонсара НАК Беларусі.

Сёння банк гатовы падтрымаць любыя ініцыятывы НАК Беларусі ў галіне здаровага ладу жыцця і яго папулярызацыі. Упэўнены, у будучыні ўдасца ўвасобіць у жыццё яшчэ не адзін дзясятак цікавых спартыўных праектаў, правесці мноства спаборніцтваў, алімпіяд, гульняў, якія з асалодай падтрымаюць сапраўдныя аматары спорту!

У гэты дзень мы ад усёй душы зычым Нацыянальнаму алімпійскаму камітэту Беларусі паспяховых праектаў, новых спартыўных дасягненняў, яркіх перамог. Здароўя, дабрабыту, шчасця, цяпла і дабра на доўгія гады!