Віншуем з Днём Перамогі!
Дарагія сябры! Віншуем з Днём Перамогі!
Мы памятаем! Перамога над фашысцкім ворагам, які хацеў знішчыць мірнае насельніцтва многіх краін, - гэта вялікі подзвіг нашых ветэранаў. 9 Мая - дата вызвалення ад нацызму. Страшныя дні і гады Вялікай Айчыннай вайны назаўсёды ўпісаны крывавымі літарамі ў гісторыю нашай рэспублікі. Мы смуткуем па тых, хто не вярнуўся з бою, хто стаў ахвярай той вайны, хто неймавернымі намаганнямі, трываючы найцяжэйшыя пакуты, здабываў мір.
Мы ведаем! Дзень Перамогі - сімвал славы і подзвігу нашага народа: тых, хто ваяваў, і тых, хто працаваў у тыле. Многія з нас яшчэ тады не нарадзіліся, а нашы дзядулі і бабулі ўжо думалі пра нас! Думалі пра тое, каб іх унукі нарадзіліся ў мірнай краіне, каб яны прыйшлі ў гэты свет, нягледзячы ні на што.
Мы дзякуем! За мір, сонца, чыстае неба. За шчасце жыць у вольнай краіне, за радасць кожнага дня, за магчымасць ствараць і паляпшаць свет вакол сябе, працаваць, тварыць і быць побач са сваімі роднымі і блізкімі.
Дарагія ветэраны, сябры! Зычым вам моцнага здароўя і дабрабыту на доўгія гады, цяпла і радасці ў кожным доме!
Ваш Белаграпрамбанк