Настройки шрифта
По умолчаниюArialTimes New Roman
Межбуквенное расстояние
По умолчаниюБольшоеОгромное
    Інтэрнэт-банкінг
    Час працы Кантакт-цэнтра банка
    • Пн
    • Аў
    • Ср
    • Чц
    • Пт
    • Сб
    • Нд
                                           8:00 - 20:00
    Дадатковыя нумары:

    Увага! Новая схема махлярства.

    20.12.2021

    Паважаныя кліенты!

    Інфармуем аб тым, што ў Рэспубліцы Беларусь пачасціліся выпадкі махлярства, калі зламыснікі шляхам падману пераконваюць грамадзян аформіць крэдыт і пералічыць грашовыя сродкі на "бяспечны" рахунак.

    Як правіла, ашуканцы прадстаўляюцца супрацоўнікамі розных службаў банкаў, Нацыянальнага банка, Асацыяцыі банкаў, праваахоўных органаў або буйных гандлёвых пляцовак. Званок паступае на мабільны тэлефон або ў месэнджэр (Viber, WhatsApp). Пры гэтым нумары тэлефонаў, з якіх здзяйсняецца званок, могуць быць падобныя на афіцыйныя тэлефоны гэтых арганізацый.

    Ашуканец паведамляе ілжывыя звесткі аб тым, што на імя грамадзяніна (і без яго ведама) нехта аформіў крэдыт у банку. Пад падазрэннем усё і асабліва супрацоўнікі банка! Прапануецца прыняць удзел у расследаванні, пры гэтым «супрацоўнік» просіць не тэлефанаваць у банк, бо званок можа перашкодзіць выкрыццю злачынца, і папярэджвае аб наяўнасці крымінальнай адказнасці за перашкаджэнне расследаванню.

    У інтарэсах расследавання грамадзяніна пераконваюць аформіць рэальны крэдытны дагавор і пералічыць сродкі на пэўны рахунак для забеспячэння іх захаванасці. Адначасова "супрацоўнік" пераконвае, што пагашаць узяты крэдыт не трэба.

    Памятайце! Галоўная мэта ашуканцаў - прымусіць Вас перавесці ім сродкі або стварыць умовы, калі грошы можна выкрасці з Вашага рахунку дыстанцыйна!

    Супрацоўнікі банкаў і праваахоўных органаў ніколі не запытваюць па тэлефоне данныя Вашай банкаўскай карткі і коды - пацверджанні з SMS-паведамленняў, а таксама не просяць аформіць крэдыт і пералічыць грошы на які-небудзь рахунак.

    Будзьце пільныя! Не станьце ахвярай падману!


    Мы выкарыстоўваем Cookie

    Для збору інфармацыі з мэтай паляпшэння працы сайта выкарыстоўваюцца файлы cookie. Вы можаце прыняць або адмовіцца ад выкарыстання кукі-файлаў або наладзіць іх. Націснуўшы «Прыняць усё», Вы даяце згоду на апрацоўку файлаў cookie у адпаведнасці з Палітыкай у адносінах да апрацоўкі файлаў cookie у ААТ «Белаграпрамбанк».

    Наладзіць