«Дарога памяці»
Ёсць падзеі, значэнне якіх не цьмянее ад няўмольнага бегу часу. 23 чэрвеня ў Год гістарычнай памяці і ў памяць аб ахвярах Вялікай Айчыннай вайны Белаграпрамбанк пры падтрымцы арганізацыі па вытворчым прынцыпе ААТ «Белаграпрамбанк» РГА «Белая Русь» для кліентаў і работнікаў банка, для жыхароў і гасцей сталіцы арганізаваў на сваёй тэрыторыі работу перасовачнай экспазіцыі ў рамках праекта «Дарога памяці» Беларускага дзяржаўнага музея гісторыі Вялікай Айчыннай вайны.
Перасовачны музейны комплекс расказвае аб першых днях вайны на тэрыторыі Беларусі, партызанскім руху, юных абаронцах Радзімы, патрыятызме работнікаў чыгуначнага транспарту, аб маці герояў. Тут прадстаўлены сапраўдныя прадметы і фатаграфіі беларусаў, якія асабліва вызначыліся на перадавой і ў тыле.
Тут было шматлюдна ўжо ў ранішнія гадзіны. Работнікі банка, школьныя групы і проста жыхары горада на працягу ўсяго дня змаглі бясплатна азнаёміцца з прадстаўленымі дакументамі, экспанатамі, многія з якіх унікальныя.
Кожны прадмет тут нясе ў сабе памяць, гісторыю і боль народа, які перажылі людзі ў гады Вялікай Айчыннай вайны.
Ні дзяцей, ні дарослых не пакінула абыякавымі экспазіцыя і расказ экскурсаводаў.
Няўмольна ідзе час, і сыходзяць сведкі той страшнай вайны, якая забрала мільёны жыццяў: ветэраны, вязні канцлагераў, працаўнікі тылу, дзеці вайны. Пакуль мы памятаем, пакуль перадаем гістарычную праўду нашым дзецям і ўнукам, жывая памяць пра кожнага асобнага чалавека, пра яго лёс і тую страшную вайну, якая забрала мільёны людзей, якія хацелі жыць… Мы ганарымся! Мы памятаем!
